8 نقط جد مهمة خاس توفر فكل مرسم

الفنان التشكبلي خاسو إلهام "ماشي بنت" داكشي علاش المرسم ولا البلاصا فين كايخدم خاس تكون مصدر ديال الابداع. 

الظروف فين كايخدم الفنان التشكيلي كايختالفو بحال كيف كايختالفو المواضيع ديالهم، كل واحد كايقاد مكان العمل ديالو كيف بغا. ولكن باش تبدع فظروف مزيانة خاسك تحترم 8 نقط :  

                                           

1- بلاصة مهوية : بعض الصباغات و لي ميديوم و المذيبات كايطلقو بخار ولارائحة مسمومة، داكشي علاش الصباغة د الزيت هي الخايبة من هاد الناحية...

2- انتشار الضوء : يكون الضو طبيعي جاي من أشعة الشمس ولا صناعي من مصابيح، بالنسبة للمصابيح خاس الضو ديالهم يكون بيض، الضو صفر غايدير لك مشكل فتحديد اللون الحقيقي د الصباغة. 

3- لافابو د الما قريب : مهم بزاف حيت ماشي غير غاتغسل فيه يديك ولكن غاتغسل فيه لماتريال و تبدل الما يلا كنتي كاتخدم ب لاكواريل ولا لاكريليك، كل ما كان الما نقي كل ما كاتخرج الصباغة نقية 

4- بلاصة واسعة : يلا كنتي كاتخدم أحجام كبار خاسك المساحة فين تخدم مرتاح و خصوصا فاش كاتخدم شي حاجة و كاتبغي تشوف النتيجة خاسك ترجع شويا لور 

5- شوفالي chevalet مزيان : يقدر يهز الحجم د اللوحات لي كاتخدم 

6- الماتيريال : الشيتات، الصباغة، ميديوم، باليط، سيبور، وشي طرف ديال التوب كاتمسح به الشيتة ، الجودة اللوحة ماشي غير بالماتيريال ولكن كل ماكان الماتيريال مزيان كل ما كان المردود حسن. 

7- النظافة : الغبرة هي العدو رقم واحد ديال الصباغة، حاول ديما الماتيريال و مكان العمل يكون نقي

8- الراحة : المرسم ماشي غي بلاصة د الخدمة ولكن بلاصة د الحياة حاول تجمع فيها دكشي لي كايريحك و كايخليك تبدع (موسيقى، كتب، قرآن، قهوة ولا ويسكي كاع) على حسب المرجعية ديالك..